Санхүүгийн зохицуулах хорооноос олгосон тусгай зөвшөөрлийн дагуу "Монголын Ипотекийн Корпораци ОССК” (МИК) ХХК-ийн үүсгэн байгуулсан “МИК Актив гучин долоо ТЗК” ХХК нь банкнуудаас 559.51 тэрбум төгрөгийн дүн бүхий ипотекийн зээлийг багцлан худалдан авч 30 хүртэлх жилийн хугацаатай ипотекийн зээлээр баталгаажсан бонд (ИЗББ)-ыг 2025 оны 3 дугаар сарын 13-ны өдөр гаргалаа.

Тус багцаар дамжуулан 5,157 өрхийн ипотекийн зээлийг үнэт цаасжуулсан бөгөөд 58.4 хувь нь Улаанбаатарт, 41,5 хувь нь хөдөө орон нутагт олгосон зээл.

Нийт зээлдэгчдийн насны ангиллаар авч үзвэл 45 хувь нь 35 хүртэлх насны залуус байгаа бөгөөд энэ нь хөнгөлөлттэй хүүтэй орон сууцны ипотекийн зээлийн хөтөлбөр залуу гэр бүлийг дэмжих болон агаар, хөрсний бохирдлыг бууруулах чиглэлд хувь нэмэр оруулж байгааг илтгэж байгаа юм.

Түүнчлэн ипотекийн зээл олгож буй банк нь МИК-д шилжсэн эсэх талаар харилцагчдадаа мессеж илгээх, зээлийн дансны утга өөрчлөх, гүйлгээний утганд тусгах зэрэг үйлчилгээг үзүүлж байна.