NBA-ын талбайд долоон тоглолт боллоо. Денвер Наггетс талбайдаа Минносато Тимбэрволвис багтай тоглолоо. Хоёр баг энэ улиралд дөрвөн удаа таарч тоглох бөгөөд өмнөх гурван тоглолтод Тимбэрволвис хожоод байсан. Өнөөдрийн тоглолтын эхнээс Наггетс гайхалтай байж зургаан онооны илүүгээр дуугасан ч хоёр болон гуравдугаар үед тааруухан тоглож таван оноогоор хожигдож дуусгасан байна. Шийдвэрлэх үед таван онооны зөрүүг арилгаж 112-112 харьцаагаар тэнцэж дуусгасан бөгөөд хоёр ч удаа нэмэлт цагт сунгаж тоглолтын төгсгөлд Уэстбрүүк хурдан довтолгоог алдаж мөн эсрэг багийн холын зайнаас шидэж байсан Никэл Александр Валкерт алдаа гаргаж улмаар хоёр шидэлтээ амжилттай болгосноор 140-139 харьцаагаар Минносато хожлоо.

Улмаар 44 хожил, 32 хожигдолтой болж өрнөд бүсийн 7-рт эрэмбэлэгдэж байгаа бол Наггетс 47 хожил, 29 хожигдолтой болж өрнөд бүсийн 3-р байрт эрэмбэлэгдэж байна.

Тус тоглолтод Энтони Эдвардс 34 оноо, 10 самбар,8 дамжуулалтаар багаа тэргүүлсэн бол Жульс Рендл 26 оноо, 9 самбар, 7 дамжуулалт, Рүди Гобер 19 оноо, 12 самбар, сэлгээнээс Никэл Александр Валкер 26 оноо, 7 самбар, 8 дамжуулалтыг гүйцэтгэсэн байна. Эсрэг багаас Никола Иокич 61 оноо, 10 самбар, 10 дамжуулалт, 2 таслалтаар багаа тэргүүлж мөн 60 оноотой трипл дабл гүйцэтгэсэн бол Аарон Гордон 30 оноо, 8 самбар, 5 дамжуулалт, Кристиан Браун 18 оноо, 12 самбараас бөмбөг авсан байна.

Өнөөдөр болсон бусад тоглолтын үр дүн

Портлэнд Трэйл Блэйзэрс 127-113 Атланта Хокс
Филадельфи 76 91-105 Нью-Иорк Никс
Финикс Санс 123-133 Милоуки Багс
Орлондо Межик 116-105 Сан Антонио Спөрс
Торонто Репторс 118-137 Чикаго Буллс
Голдэн Стэйт Уорриорс 134-125 Мемфис Гриззлис
Минносато Тимбэрволвис 140-139 Денвер Наггетс /2 нэмэлт цаг/