NBA-ын улирал дуусч хасагдах шатны сүүлийн багууд тодорч байгаа билээ. Тэгвэл өнөөдөр өрнөд бүсийн 9-д эрэмбэлэгдсэн Сакермэнто Кингс  талбайдаа 10-д бичигдсэн Даллас Мавирекс багтай тоглолоо. Тэгвэл тус тоглолт цор ганц тоглолтоор шийдэгдэх бөгөөд Мавирекс эхний үеийг хоёр оноогоор хоцорч дуусгасан ч хоёрдугаар үед 44 оноог авч эсрэг багт 19 оноог алдснаар тэргүүллийг авчээ. Улмаар гурав болон дөрөвдүгээр үед тэргүүллээ алдалгүй байснаар 120-106 харьцаагаар хожлоо.

Улмаар Мавирекс плэй оффын сүүлийн эрхийн төлөө дахин нэг тоглох бөгөөд тус тоглолтод Мемфис Гриззлисийн талбайд дөрөвдүгээр сарын 19-нд тоглох бол Сакермэнто Кингс багийн улирал энэ хүрээд дуусч байна.

Тус тоглолтод Энтони Дэвис 27 оноо, 9 самбар, 3 хаалтаар багаа тэргүүлсэн бол Клэй Томпсон 23 оноо, ПЖ Вашингтон 17 оноо, 7 самбар, 2 таслалт, сэлгээнээс Брэндон Уйллиамс 17 оноог авсан байна. Эсрэг багаас Димар ДерРозен 33 оноо, 7 самбар, 2 таслалтаар багаа тэргүүлсэн бол Зак Лавин 20 оноо, 9 дамжуулалтыг гүйцэтгэжээ.