Чөлөөт, сонгомол бөхийн дэлхийн чансааны оноо олгох олон улсын тэмцээн 2025 оны тавдугаар сарын 29-нөөс зургадугаар сарын 1-ний өдрүүдэд манай эх орны нийслэл Улаанбаатар хот, “Буянт-Ухаа” спортын ордонд болно.

Зохион байгуулагчдын зүгээс тэмцээний үзэгч, тамирчдад зориулан автобусаар үнэ төлбөргүй үйлчилнэ.

Эдгээр өдрүүдэд Спортын төв ордноос 09:00, 10:00, 16:30 цагуудаас “Буянт-Ухаа” ордныг зорьсон автобус хөдөлнө. Харин “Буянт-Ухаа” ордноос Спортын төв ордны чиглэлд 15:00, 20:30 цагуудаас автобус явах юм.

Үзэгч, бөх сонирхогчид та бүхнийг өргөнөөр хүрэлцэн ирж, чөлөөт, сонгомол бөхийн гайхамшгийг мэдрэхийг урьж байна.

Тасалбарыг дараах холбоосоор захиалах боломжтой: https://ticket.mn/event/2632

18 хүртэлх насны хүүхэд болон өндөр настнуудад үнэ төлбөргүй