1,250,000 ам.долларын (3.5 тэрбум төгрөг) шагналын сантай “BLAST.tv Austin Major 2025” буюу CS2-ийн дэлхийн аварга шалгаруулах тэмцээний эхний шатны тоглолтууд өнөөдөр шөнө буюу зургадугаар сарын 3-ний өдөр эхлэнэ.

Энэ удаагийн тэмцээнд Монгол Улсаас анх удаа хоёр баг хүч үзэх гэж буйгаараа онцлог бөгөөд тэдний нэг болох "Chinggis Warriors" баг эхний шатандаа Европын шилдгүүдийн нэг "Heroic" багтай шөнийн 23:00 цагт тоглоно.

Харин The MongolZ багийн хувьд гуравдугаар шатнаас тоглолтууд эхлэнэ.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.