1,250,000 ам.долларын (3.5 тэрбум төгрөг) шагналын сантай “BLAST.tv Austin Major 2025” буюу CS2-ийн дэлхийн аварга шалгаруулах тэмцээний эхний шатны тоглолтууд зургадугаар сарын 3-ний өдөр эхлэлээ.

Энэ удаагийн тэмцээнд Монгол Улсаас анх удаа хоёр баг тоглох бөгөөд тэдний нэг болох "Chinggis Warriors" баг эхний шатандаа сүүлийн тоглолтоо өнгөрсөн шөнө /2025.06.06/ 01:30 цагт мөн адил нэг хожил, хоёр хожигдолтой байгаа Хятадын Lynn Vision багтай тоглож 1-2 (Inferno 9-13, Nuke 13-10, Ancient 13-16) харьцаагаар хожигдлоо. Улмаар манай залуус энэ хүрээд мажорын тоглолтоо дуусгаж байна.

Тэд эхний тоглолтоо Европын шилдгүүдийн нэг "Heroic" багтай тоглож (7-13) харьцаагаар хожигдсон бол хоёр дахь тоглолтоо мөн адил нэг хожигдолтой Бразилийн "Legacy" багтай (10-13) харьцаагаар хожигдож манай залуус 2 хожигдолтой болоод байсан билээ.

Тэгвэл өнгөрсөн шөнө /2025.06.05/ Бразилийн "Fluxo" багтай тоглож 2-1 (Ancient 10-13, Mirage 13-11, Nuke 13-2) харьцаагаар хожиж CS2-ийн дэлхийн аварга шалгаруулах тэмцээн буюу мажорын анхны хожлоо байгуулсан билээ. 

"Chinggis Warriors" багийн бүрэлдэхүүнд дасгалжуулагч П.Бадрал 'carnage', Б.Өнөдэлгэр 'controlez', З.Ундрахбаяр 'ROUX', Я.Ариунжаргал 'ariucle', Э.Төгс-Эрдэнэ 'efire', Б.Содбилэг 'cool4st' нар тоглож байна.

Харин The MongolZ багийн хувьд гуравдугаар шатнаас эхлэх бөгөөд гуравдугаар шат зургадугаар сарын 13-ны өдөр тоглолтууд эхлэнэ.

The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.