УИХ-ын гишүүн Б.Нарантуяа-Нара өөрийн цахим хуудсандаа өөрийн үзэл бодлоо илэрхийлжээ. 

Тэрбээр "5К эрээний хог авч бн гэж бодсондоо биш төр засаг нь хөдөлмөр зүтгэлийг нь үнэллээ гэж талархаж баярладаг үеийн хүмүүсийг ойлгохгүй үгүйсгэж гутаана гэдэг бол бас шинэ үеийн дэвшил баймгүй!

Энэ цаг үе бол дан ганц шинэ залуу үеийн амьдарч буй цаг биш 2 өөр нийгмийн суурьтай 2 төрөл хүмүүсийн хамтын нийгэм учраас харилцан хүлээн зөвшөөрөлцөх ойлголцох асуудал чухал юм!

Шагнал аваад талархан нулимс дуслуулж байгаа эмээ өвөөгөө ээж аавыгаа 5К эрээний хогонд баяссан тэнэгүүд гэж болохгүй юм байгаамаа!

За тэгээд би бол шагнал нтр гээд байдаг ч хүн биш ч аваад баярлаж байгаа авахсан гэж зүтгэж хөдөлмөрлөдөг хүмүүсийг бол үгүйсгэмгүй байдаг юмаа!

Цэнгүүн гишүүний санааг бас ойлгож байна. Шинэ үе шагнал урамшуулал гэдэг зүйлээс ангид байхыг хүсч байгаа нь сайн хэрэг. Гэвч энэ бол улсын нэн тулгамдсан зовлонт асуудал биш гэж боддог юмаа. Хөдөө хотгүй шагнал аваад талархан баярлаж буй бүх хүмүүст давхар баяр хүргэе ээ" хэмээжээ.