Электрон спортын CS2 төрлийн хамгийн нэр хүндтэй тэмцээн болох "ESL Pro League" тэмцээний 22 дахь улиралын тэмцээн /2025.09.28/ өдөр Швед улсын Стокгольм хотноо болж байна.

Монгол Улсын "The Mongolz" баг тус тэмцээний хоёрдугаар шатнаас оролцож байгаа бөгөөд гурав дахь тоглолтоо Европын холбооны "Gamer Legion" багтай хийж 2-1 (Inferno 13-10, Ancient 11-13, Nuke 13-7)  харьцаагаар хожиж тус тэмцээний эхний хожлоо байгууллаа. Манай залуус өнөөдөр (2025.10.07) мөн адил нэг хожил, хоёр хожигдолтой байгаа Испаний "M8" багтай 22:00 цагт тоглоно. Хоёр өмнө өмнө хоорондоо учраа таарч тоглож байгаагүй юм.

Эхний тоглолтод ОХУ-ын "HOTU" багтай тоглож 1-2 (Overpass 8-13, Mirage 13-10, Ancient 9-13) харьцаагаар, хоёр дахь тоглолтоо Украйны "Inner Circle" багтай тоглож 0-2 (Dust 2 9-13, Mirage 11-13, Ancient 0-0) харьцаагаар хожигдсон билээ.

Тус тэмцээн хоёр үе шатаас бүрдэх бөгөөд нийт 24 баг оролцож байна. Эхний шатанд 16 баг өрсөлдөж найман баг нь хоёрдугаар шатанд шалгарч үлдэж хоёрдугаар шатанд шууд урилгаар ирсэн найман багтай тоглоно. Тэмцээн нь Swiss Stage дүрмээр явагдах бөгөөд 3 хожсон баг шигшээ шатанд шалгарч, 3 хожигдсон баг тэмцээнээс хасагдах журамтай.