Баянгол дүүргийн 29 дүгээр хороо, Гурвалжингийн гүүрний орчим, нийтийн эзэмшлийн зам талбайд зарим иргэн, Аж ахуй нэгжүүд зөвшөөрөлгүйгээр барилгын материал, элс, хайргыг ил задгай худалдаалах, хүнд даацын авто машинууд олон жил зогсоол болгон ашигласнаас тухайн орчинд хөрсний бохирдол ихээр үүсээд байсан.

Иймд дээрх зөрчлийг үе шаттай арилгаж тохижилтын ажлыг эхлүүлсэн. Өнөөдрийн байдлаар гүүрний хажуу налууг эко хавтангаар хучих ажил 40 орчим хувьтай үргэлжилж байгаа бол баруун доод талд нь явган хүний зам, хайс хашлагыг шинээр хийж байна. Энэ ажил ирэх онд бүрэн дуусна.