“Ипотекийн зээл авах гэж байгаа иргэн даатгалд хэзээ хамрагдах вэ?”

Монголбанкны “Орон сууцны ипотекийн санхүүжилтийн журам”-д зааснаар ипотекийн зээлд хамрагдах иргэн зээл авах үед болон тухайн ипотекийн зээлийг төлж дуусах хугацаа хүртэл даатгалд хамрагдах ёстой.

Та ипотекийн зээлээ банкнаас авч, зээлийн гэрээгээ банктай байгуулах үед тухайн банк даатгал зуучлалын чиг үүргийн хүрээнд танд даатгалын компаниудыг санал болгож, даатгалын гэрээг байгуулж байна.

“Ипотекийн зээлтэй иргэн заавал даатгалд хамрагдах шаардлагатай юу?”

Мөн Монголбанкны “Орон сууцны ипотекийн санхүүжилтийн журам”-д зааснаар ипотекийн зээлд хамрагдах иргэн зээл авах үед болон тухайн ипотекийн зээлийг төлж дуусах хугацаа хүртэл даатгалд хамрагдах ёстой. Үүнд: тухайн худалдан авч буй орон сууцыг “барьцаа хөрөнгийн даатгалд”, үндсэн болон хамтран зээлдэгчийн амь нас, эрүүл мэндийг “гэнэтийн ослын даатгалд” хамруулна.