NBA-ын багуудын улирлын сүүлийн буюу 82 дахь тоглолтууд өнөөдөр болж дууслаа. Улмаар шигшээ буюу хасагдах шатанд өрсөлдөх хоёр бүсийн 20 баг тодорлоо.

Өрнөд бүсийг Оклахома Сити Тандер баг 64 хожил, 18 хожигдолтойгоор тэргүүлсэн бол тэдний араас Сан Антонио Спөрс 62 хожил, 20 хожигдолтойгоор эрэмбэлэгдсэн бөгөөд хоёр багийн өрсөлдөгч багууд нь ганц тоглолт хийж тодрох юм. Харин гуравт Денвер Наггетс баг тодорсон бол тэдний өрсөлдөгч Минносато Тимбэрволвис баг болсон байна. Харин дөрөвт Лос Анжелес Лейкэрс тавд Хьюстон Рокетс баг жагсаж хоорондоо тоглохоор болжээ.

Дорнод бүсийг 60 хожил, 22 хожигдолтойгоор Детройт Пистонс тэргүүлсэн бол хоёрт Бостон Селтикс 56 хожил, 26 хожигдолтой бичигдсэн бөгөөд хоёр багийн өрсөлдөгч багууд нь ганц тоглолт хийж тодрох юм. Гуравт Нью-Иорк Никс баг 53 хожил, 29 хожигдолтойгоор бичигдэж дорнод бүсийн зургадугаар байраар гарсан Атланта Хокс баг учраа таарсан бол дөрөвт Клевлэнд Кавалерс, тавд Торонто Репторс багууд учраа таарсан байна.

Шигшээ шатны тоглолтууд дөрөвдүгээр сарын 18-наас эхэлнэ