Сагсан бөмбөгийн FIBA 3x3 дэлхийн аварга шалгаруулах тэмцээн Польшийн Варшав хотод энэ сарын 1-ээс 7-ны хооронд болно. Тус тэмцээнд Монгол Улсын 3х3 сагсан бөмбөгийн эрэгтэй шигшээ болон эмэгтэй шигшээ багууд оролцож байгаа.

Өнөөдөр тэд хэсгийн сүүлийн тоглолтуудаа хийнэ. Эрэгтэй шигшээ нэг хожил, нэг хожигдолтой байгаа бөгөөд зургадугаар сарын 5-ны шөнө 01:20 цагт АНУ-ын багтай хийх бол хэсгийн сүүлийн тоглолтоо 03:10 цагт Латвийн багтай хийнэ.

Харин эмэгтэй шигшээ хоёр хожигдолтой багаа бөгөөд зургадугаар сарын 5-ны шөнө буюу өнөөдөр шөнө 00:30 цагт АНУ-ын багтай хийх бол хэсгийн сүүлийн тоглолтоо 02:45 цагт Унгарын багтай хийнэ.