Электрон спортын "Counter Strike-2" төрлийн энэ эхний эхний хагасын сүүлийн тэмцээн буюу "IEM Cologne Major 2026" тэмцээн Герман улсын Кёльн хотод болж байна. Тус тэмцээнд Монгол Улсаас "The Mongolz" оролцож байгаа бөгөөд өчигдөр хэсгийн шатны дөрөв дэх тоглолтоо Украйны "Monte" багтай тоглож 2-1 (Nuke (9-13; Inferno 13-7; Dust2 13-11) харьцаагаар хожлоо. Манай залуус хоёр хожил, хоёр хожигдолтой болж байгаа бөгөөд өнөөдөр мөн адил хожил хожигдолтой байгаа Европын холбооны "9z" багтай 20:00 цагт тоглоно. Хожсон баг нь шигшээ шатанд шалгарч, хожигдсон баг нь тэмцээнээ өндөрлүүлэх юм.

Манай залуус хэсгийн эхний тоглолтоо ОХУ-ын "BetBoom Team" 1-2 (Dust2 13-11; Mirage 6-13; Ancient 11-13) харьцаагаар хожигдсон бол хоёр дахь тоглолтоо 2-0 (Mirage 16-14; Overpass 13-3; Dust2 0-0) харьцаагаар хожсон. Гурав дахь тоглолтоо Украйн "Natus Vincere" багтай тоглож 1-2 (Nuke 13-8; Ancient 13-16; Mirage 13-6) харьцаагаар хожигдсон юм.

"The MongolZ" багийн бүрэлдэхүүнд ахлагч Blitz /Б.Гарьдмагнай/, Techno4k /М.Содбаяр/, 910 /Б.Өсөхбаяр/, Mzinho /Б.Аюуш/, "Cobrazera" У.Анарбилэг, дасгалжуулагчаар Maaraa /Б.Эрдэнэдалай/ нар оролцож байна.