Электрон спортын "Counter Strike-2" төрлийн энэ эхний эхний хагасын сүүлийн тэмцээн буюу "IEM Cologne Major 2026" тэмцээн Герман улсын Кёльн хотод болж байна. Тус тэмцээнд Монгол Улсаас "The Mongolz" оролцож байгаа бөгөөд өчигдөр хэсгийн шатны сүүлийн тоглолтоо Европын холбооны "9z" багтай тоглож 0-2 (Inferno 8-13; Overpass 8-13; Dust2 0-0) харьцаагаар хожигдож манай залуус мэйжорын аяллаа энэ хүрээд өндөрлөлөө. Манай залуус сүүлийн гурван мэйжорын тэмцээнд шигшээ шатанд шалгарч байсан бол энэ удаагийн мэйжорын тэмцээнд хэсгээс гарч чадалгүй дуусгалаа.

Манай залуус хэсгийн эхний тоглолтоо ОХУ-ын "BetBoom Team" 1-2 (Dust2 13-11; Mirage 6-13; Ancient 11-13) харьцаагаар хожигдсон бол хоёр дахь тоглолтоо 2-0 (Mirage 16-14; Overpass 13-3; Dust2 0-0) харьцаагаар хожсон. Гурав дахь тоглолтоо Украйн "Natus Vincere" багтай тоглож 1-2 (Nuke 13-8; Ancient 13-16; Mirage 13-6) харьцаагаар хожигдсон бол дөрөв дэх тоглолтоо Украйны "Monte" багтай тоглож 2-1 (Nuke (9-13; Inferno 13-7; Dust2 13-11) харьцаагаар хожиж 2 хожил, 2 хожигдолтой болсон юм.

"The MongolZ" багийн бүрэлдэхүүнд ахлагч Blitz /Б.Гарьдмагнай/, Techno4k /М.Содбаяр/, 910 /Б.Өсөхбаяр/, Mzinho /Б.Аюуш/, "Cobrazera" У.Анарбилэг, дасгалжуулагчаар Maaraa /Б.Эрдэнэдалай/ нар оролцож байна.