Сүүлийн хэдэн өдөр нийслэлчүүд халтиргаа гулгааг ёстой бие сэтгэлээрээ мэдэрч байна. Учир нь явганаас унаж гэмтсэн иргэд ГССҮТ-ийг, аваар осол хийсэн жолооч нар замын цагдаагийн газрыг дүүргэж байна. Улаанбаатар хотод цаснаасаа салсан буюу халтиргаагүй зам бараг алга.

Гэхдээ хотын төвийн буюу дарга нарын ажилдаа ирдэг, явдаг замын цасыг өдөрт нь цэвэрлээд, давс цацаад байна гэх гомдол цахим ерөнцөд хүчээ аваад байгаа юм. Тиймээс ч “Төрийн ордон тойрсон буюу дарга нарын явдаг замуудад элс, давс цацаад, захын хороололын замуудад огт цацахгүй байна гэх шүүмжлэлийг иргэд маш их хэлж байна” хэмээн тодруулахад  Улаанбаатар хотын ерөнхий менежер Т.Гантөмөр “Хаагуур цацахаа бид мэдье” хэмээн том дугарч байх юм.

 Үнэхээр л дарга нарын зам хамгийн түрүүн цас, мөснөөсөө салсан байхад хотын замын буюу Орбит, Толгойт, Долоон буудал гээд захын хорооллын зам одоо ч шил, толь шиг гулгаатай хэвээр л байна. Тиймээс хаагуур цацаа үнэхээр мэддэг л юм бол захын хорооллын замыг нэг халтиргаагүй болгоод өгөөч,  хотын  менежер ээ.

Ж.Өөдлөн