3х3 сагсан бөмбөгийн Дэлхийн Оюутны аварга шалгаруулах тэмцээний хэсгийн тоглолт өчигдөр болж өндөрлөлөө. Манай баг эхний өдөр Хятад болон Малайзын багийг хожсон. Тэгвэл өчигдөр орой Тайланд болон Унгарын багтай тоглосон юм. 

Манай шигшээ Тайландын шигшээ багийг 21:15-аар хожсон бол хэсгийн сүүлчийн тоглолтоо Унгарын багтай хийж, 15:10-аар хожигджээ. Гэсэн ч манай шигшээ хэсгээс хоёроор гарч, хасагдах шатанд шалгараад байна.

Тэгвэл өнөөдөр Монголын шигшээ баг ¼ шигшээд Австралийн шигшээ багтай тулах юм. Тоглолт өнөөдөр орой 18:20 цагаас болох юм байна. Хэрвээ хожиж чадвал хагас шигшээд Лебон болон Тайландын нэгдүгээр багийн аль хожсонтой нь тоглох ажээ.