АНУ-ын Ерөнхийлөгчийн сонгууль энэ сарын 8-ны өдөр явагдаж, үл хөдлөх хөрөнгийн тэрбумтан Доналд Трамп ялалт байгуулсан билээ. Тэрбээр ирэх оны нэгдүгээр сарын 20-нд албан ёсоор Цагаан ордон руу нүүх юм.

Гэвч, шинэхэн тэргүүн хатагтай Мелания Трамп 10 настай хүүгийнхээ хамтаар Нью-Йоркийн Манхэттен дахь  тансаг харшдаа үлдэнэ. Тэд энэ хичээлийн жилийг дуустал Цагаан ордон руу нүүхгүй гэрээ сахиж үлдэх юм.

Гэхдээ Трамп Нью Йорк хотод  байнга ирж,  эхнэр хүү хоёртойгоо уулзаж байхаар төлөвлөсөн гэнэ. Тэгвэл шинэ Ерөнхийлөгч Трамп, түүний гэр бүлийнхэн, ач зээ нарын аюулгүй байдлыг батлан хамгаалахын тулд нэг өдөрт л нэг сая ам.доллар зарцуулагдах тооцоо гарчээ. Энэ талаар Нью-Йорк хотын Терроризмтай тэмцэх газрын орлогч дарга Жон Миллер мэдээлжээ.

Үл хөдлөх хөрөнгийн тэрбумтны гэр бүлийнхэн бүгд л Нью Йоркт амьдардаг бөгөөд тэдний аюулгүй байдлыг хамгаалахын тулд хотын цагдаагийн газрынхан нэлээд өргөн бүрэлдэхүүнтэй ажиллах шаардлагатай болж байгаа гэнэ. Доналд Трамп гурван удаа гэрлэсэн бөгөөд таван хүүхэдтэй билээ.