Жил бүрийн өдийд оны шилдэг улстөрч, шилдэг тамирчин, шилдэг тогооч гээд бүхий л салбарын шилдгүүд тодордог. Энэ уламжлалын дагуу  оны шилдэг улстөрч шалгаруулахаар санал авч эхэлсэн сурагтай. Тодруулбал, Монгол Улсын шилдэг 99 улстөрч шалгаруулах олон нийтийн рейтинг тогтоох судалгаа явуулж эхэлсэн байх бөгөөд уг шалгаруулалтад УИХ-ын гишүүн Т.Аюурсайханы нэр багтжээ. Үүнийг харсан эрхэм гишүүн “Улс нь ядуу байхад улстөрч нь шилдэг байна гэж юу байх вэ. Намайг энэ жагсаалтаасаа хасна уу. Монгол Улсын шилдэг улстөрч шалгаруулж байхаар улсаа ядууруулсан шилдэг хулгайчдыг шалгаруулъя” хэмээн жиргэсэн байх юм.  Хэдийгээр энэ үйлдэл нь нэг талаар улс төрийн шоу байж болох ч нөгөө талаас энэ мэт шалгаруулалтад нэрээ багтаах гэж сая саяар нь мөнгө төлдөг нэгнийг бодвол “эрэлхэг” үйлдэл гэж хэлж болохоор байгаа биз.  Тиймээс энэ нь УИХ-ын гишүүн Т.Аюурсайханд том сурталчилгаа болохыг үгүйсгэх. Харин бусад нь эрхэм гишүүн шиг хэмжээгээ мэддэг байгаасай даа.