NBA-ын талбайд өнөөдөр таван тоглолт болсон бөгөөд Голдэн Стэйт Уорриорс баг Минносато Тембэруолвз багийн талбайд зочлон тоглолоо.

Тоглолтын эхний хагаст 60-58 харьцаагаар Уорриорс илүүрхсэн ч гуравдугаар үед ердөө 18 оноог авч өрсөлдөгч багтаа 30 оноог алджээ. Харин шийдвэрлэх үеийн дундаа орж байхад оноог гүйцэж, илүү гарсан бөгөөд 116-108 харьцаагаар Уорриорс улирлын 21 дэх хожлоо байгууллаа.

Тус тоглолтод Клэй Томпсон 30 оноо, Кэвин Дурант 22 оноо, 8 самбараас бөмбөг авч, Стефэн Карри 22 оноог авчээ. Карри холын зайнаас таван удаа шидсэнээс хоёрыг нь оруулж өөрийн замналынхаа 1686 дахь шидэлтээ амжилтай болжээ. Тэрбээр домогт Стив Нешийг гүйцэж NBA-д 16-рт бичигдэж эхэлжээ. Түүний өмнө Дирк Новицки 1707, Ж.Р Смит 1715 холын шидэлт амжилтай болгосон байна