Монголын Хэвлэл Мэдээл­лийн Бизнес Эрхлэгчдийн Холбоо, WWW.BESTOFMONGOLIA.MN  тав дахь жилдээ  “Best of Mongolia” салбар салбарын оны шилдэг бай­гууллага, аж ахуйн нэгжийг хэрэглэгч олон нийтийн санал асуулгаар тодрууллаа. Эдүгээ таван жилийнхээ ойтой золгож буй “Best of Mongolia-2016” өчигдөр ёслол төгөлдөр зохион байгуулагдсан юм.

 

Уг санал асуулгыг Монголын Хэвлэл Мэдээллийн Бизнес Эрхлэгчдийн Холбоо www.bestofmongolia.mn сайттай хамтран зохион байгуулсан бөгөөд санал асуулга 2016 оны арванхоёрдугаар сарын 10-31-ний өдрийг дуустал  явагдаж, хамгийн олон санал авсан байгууллага, аж ахуйн нэгжүүд “Best of Mongolia -2016”-ын шилдгээр тодорлоо. Ёслолын үйл ажиллагааг нээж “Best of Mongolia” төслийг санаачлагч, Монголын Хэвлэл Мэдээллийн Бизнес Эрхлэгчдийн Холбооны Ерөнхийлөгч Б.Ганзориг “Монгол Улсад үйл ажиллагаа явуулж байгаа хэдэн арван мянган аж ахуйн нэгжүүд байна.

 

Тэдний үйл ажиллагаа бизнесийн амжилт гэдэг шууд хэрэглэгчээсээ хамаардаг болохоор бидний зүгээс зөвхөн хэрэглэгч, зах зээлээс олон нийтийг түшиглэж анх “Best of Mongolia-2012” олон нийтийн цахим санал асуулгыг зөвхөн онлайн орчинд бүтэн сарын турш эхлүүлж байсан.  Одоо ч тэр  уламжлал хэвээрээ явж байгаа. “Best of Mongolia” бол шууд  хэрэглэгчээс  тухайн байгууллагын үйл ажиллагааг үнэлүүлдэгээрээ онцлог юм.  Хэдэн хүн сууж шийддэг биш. Хэдэн мянган хэрэглэгч үнэлэлт өгдгөөрөө онцлог юм. Бизнесийнхэн хэрэглэгч бол хаан гэж ярьдаг шүү дээ. Үнэхээр хэрэглэгч хаан юм бол тухайн жилийнхээ бизнесийн байгууллага үйлчилгээг хэрэглэгчийн саналаар шийддэг байх нь зөв болов уу гэж бид анх энэ ажлыг эхлүүлж байсан.

 

 

Ер нь бол бид төр, хувийн хэвшлийн компаниудын PR-ийг л олон нийтийн хэвлэл мэдээллийн хэрэгслээр хийсэн. Чимээ гаргаад байдаггүй тэгсэн хэрнээ нийгмийн хариуцлагаа дээд зэргээр биелүүлдэг олон хүмүүсийн ар гэр, ахуй амьдралыг шийддэг, улсдаа татвараа төлдөг компаниуд манайд маш их байдаг. Тэдний үйл ажиллагаа бүтээгдэхүүн үйлчилгээг олон нийтэд ил гаргаж сурталчилсан хэрэг. Тэгэхээр тодорхой хэмжээнд хүмүүст хүрсэн гэж үзэж байгаа. Бид “Best of Mongolia”-г арван жил тасралтгүй хийнэ. Энэ онд таван жилийн ойн нь болж байна” хэмээсэн юм. 

 

Цахим орчинд явагддаг энэхүү санал асуулгаар хамгийн өндөр санал авсан 66 байгууллага шилдгээр шалгарч, өчигдөр батламжаа гардан авлаа. “Best of Mongolia” бол шууд  хэрэглэгчээс тухайн байгууллагын үйл ажиллагааг үнэлүүлдэгээрээ онцлог юм. Өөрөөр хэлбэл, хэн нэгэн эсвэл хэдхэн хүн ширээ тойрч суугаад шилдгүүдийг шалгаруулчихдаггүй. Хэдэн мянган хэрэглэгч үнэлэлт өгдөг гэдэг утгаараа энэхүү “Best of Mongolia” шагнал үнэ цэнэтэй юм.

 

Тэгвэл Монголын мэдээ сонины хувьд ч өнгөрсөн 19 жилийн хугацаанд хамтдаа байсан уншигч олон маань саналаа өгч, манай хамт олныг шилдэг болгосон болохоор бидний хувьд энэ шагнал уншигчдаас маань өгч байгаа том шагнал хэмээн их бэлгэдэн хүлээн авсан юм. Энэ үеэр “Монголын мэдээ” сонины Орлогч эрхлэгч Ч.Чулуунцэцэг “Монгол Улс зах зээлд шилжих үед хэвлэл мэдээллийн байгууллагууд ч мөн дагаад л шилжиж байлаа. Тиймээс бүх хэвлэл мэдээллийн салбарт чөлөөт байдлаар өөрсдийнхөө амь амьдралыг аваад явах ачаа үүрэг ногдсон. Тэгвэл “Монголын мэдээ” сонин энэ хатуу ширүүн он жилүүдэд өөрийнхөө орон зайг бий болгож, зарим тал дээр анхдагч гэдэг байр сууриа хадгалж чадсан. 19 жилийн турш мэдээллийг тэнцвэртэй барьж, тэр хэрээр уншигчдын талархлыг хүлээсэн. 

 

Бидний энэхүү нөр их хөдөлмөр зүтгэлийн үр дүнгийн нэгээхэн илрэл бол энэхүү “Best of Mongolia-2016” шагналын эзэн болсон явдал гэж бид дүгнэж байгаа. Түүнчлэн манайх хэвлэл мэдээллийн зах зээл ялангуяа өдөр тутмын сонины зах зээлд орон зайгаа эзэлж чадсан шиг ээ цахим ертөнцөд ч мөн орон зайгаа эзлэж, техник технологийн дэвшилтэй хөл нийлүүлэн алхаж чадаж байгаа. Тиймээс манай www.mminfo.mn вэб сайтад өдөр бүхэн зочилж бидний бэлтгэсэн мэдээ, мэдээллийг шимтэн уншиж байдаг уншигч олны маань нэр хүндийн баталгаа болсон шагнал гэж үзэж байна” гэлээ. 

 

 

 

 

 

 

Д.Ганбаатар: “Best of Mongolia” булган сүүлтэй сайхан энергитэй шагнал 

 

Энэ жилийн “Best of Mongolia-2016”  оны шилдгүүдийг шалгаруулдаг наадмын “Best of best”-ээр энэ удаад Улаанбаатар-Эмпати сургууль, Грандмед эмнэлэг шалгарсан юм. Энэ үеэр  “Best of best” шагналыг гардан авсан Улаанбаатар-Эмпати сургуулийн захирал Д.Ганбаатар “Манай сургууль 1994 онд байгуулагдаад 23 дахь жилдээ үйл ажиллагаа явуулж байна. Бидний хувьд “Best of Mongolia” наадмын тайзан дээр дөрөв дэх удаагаа гарч, шагнал хүртэж байгаадаа үнэхээр баяртай байна. Энэ бол манай хамт олны ажлын амжилт, бидний бахархал юм. “Best of Mongolia” шагнал булган сүүлтэй сайхан энергитэй шагнал байдаг юм билээ. Учир нь энэ шагналыг авсаны дараа олон улсын хэмжээний олон шагнал авсан.

 

Одоогийн байдлаар манай хүүхдүүд олон улсын төвшинд  40 гаруй алт, 90 гаруй мөнгө, 60 гаруй хүрэл медиаль авсан амжилттай байгаа гээд бодохоор бид ямар амжилттай явааг харж болох байх” гэлээ. Үнэхээр ч салбар салбарын шилгүүдийг цуглуулж чадсан гэдгийн нэгэн илрэл тод бол дунджаар 500-600 гаруй байгууллага “Best of Mongolia”-ийн цахим хуудсанд бүртгэгдэж өрсөлддөгт байгаа юм. Улмаар нэг сарын турш явахдаа давхардсан тоогоор 1.3 сая цахим хэрэглэгч санал өгдөг байна. 

 

Монгол Улс хэчнээн хүн амтай билээ. Тиймээс энэ хэмжээний санал авч шилдэг болно гэдэг байгууллагуудын хувьд чамлахааргүй амжилт гэдэг нь ойлгомжтой. Энэ оны “Best of Mongolia-2016” Оны шилдэг аймгаар Орхон аймаг шалгарчээ. Энэ үеэр аймгийн ЗДТГ-ын дарга Д.Соёлчхүү “2016 он манай аймгийн хувьд маш олон амжилт гаргасан жил байлаа. Өнгөрсөн жил Эрдэнэт хот байгуулагдсаны 40 жилийн ойг тэмдэглэн өнгөрүүллээ. Энэ хүрээнд Ерөнхийлөгчийн зарлиг гарч Эрдэнэт хотыг төрийн дээд Сүхбаатарын одон медиалаар шаналаа. УИХ болон орон нутгийн сонгуулийн үр дүнгээр шинэ Засаг даргатай болж, шинэ ИТХ байгуулагдаад ажилдаа ороод байна. Аймгийн шинэ удирдлагын баг маань бүрэн эрхийнхээ хугацаанд хэрэгжүүлэх үйл ажиллагааны хөтөлбөрөө батлаад байна.

 

Эхний төлөвлөсөн ажил хийгдээд үр дүнгээ өгөөд эхэлчихсэн. Тухайлбал, хамгийн сүүлийн ажил гэвэл Засаг дарга маань жил бүр тэмдэглэн өнгөрүүлдэг шинэ жилийн ёслолыг зохион байгуулаагүй. Харин түүнд зарцуулагдах төсвөөр орон гэргүй 10 айлыг орон гэртэй болгож, шинэ жилээ тэмдэглэсэн. Энэ мэт олон ажил хийж байгаа” гэсэн юм. Ингээд энэ жилийн шилдгүүдийг танилцуулъя.

 

“Best of Mongolia 2016”

1. “Best of best” ЭМПАТИ СУРГУУЛИУД

2. “Best of best” ГРАНД ЭМНЭЛЭГ

3. Оны шилдэг сонин МОНГОЛЫН МЭДЭЭ СОНИН 

4. Оны шилдэг аймаг ОРХОН АЙМАГ 

5. Оны шилдэг дүүрэг СОНГИНОХАЙРХАН ДҮҮРЭГ 

6. Оны шилдэг ус ундааны бүтээгдэхүүний үйлдвэр ТЭСО КОРПОРАЦИ  

7. Оны шилдэг улсын их сургууль МУИС

8. Оны шилдэг дунд сургууль УЛСЫН ТЭРГҮҮНИЙ 84-Р СУРГУУЛЬ 

9. Оны шилдэг авто сургууль ДАШИЙДЭЛЭГ АВТО СУРГУУЛЬ 

10. Оны шилдэг сургалтын төв МАНЛАЙЛАГЧ СУРГАЛТЫН ТӨВ 

11. Оны шилдэг фитнес клуб ИНДИГО БЯЛДАРЖУУЛАХ КЛУБ 

12. Оны шилдэг ресторан НОМАДСЫН СҮЛЖЭЭ РЕСТОРАН 

13. Оны шилдэг ТББ  АМЖИЛТ МЭДЭЭЛЭЛ ТЕХНОЛОГИЙН АКАДЕМИ 

14. Оны шилдэг электрон барааны дэлгүүр НЕКСТ ЭЛЕКТРОНКС 

15. Оны шилдэг авто машин борлуулагч компани МӨНХХАДА ХХК 

16. Оны шилдэг продакшн  ШИНЭ ҮЕ 

17. Оны шилдэг агаарын тээврийн компани МОНГОЛЫН ИРГЭНИЙ АГААРЫН ТЭЭВЭР ХК 

18. Оны шилдэг хамтлаг, дуучин ХАРАНГА 

19. Оны шилдэг сувилал, амралтын газар БААТАРВАН 

20. Оны шилдэг арьс шир, ширэн бүтээгдэхүүн МR 

21. Оны шилдэг хүргэлтийн үйлчилгээ  НОЁН ПИЦЦА  

22. Оны шилдэг замын компани ЭН ДИ ТИ КЭЙ ХХК 

23. Оны шилдэг энтертайнмэнт, студи B SOUND PRODUCTION 

24. Оны шилдэг үл хөдлөх хөрөнгө зуучлалын компани МАСТЕР ПРОПЕРТИС ХХК 

25. Оны шилдэг зочид буудал ЧИНГИС ХААН ЗОЧИД БУУДАЛ 

26. Оны шилдэг тээвэр зуучлалын компани  ТУУШИН

27. Оны шилдэг хувийн хэвшлийн их дээд сургууль МОНГОЛЫН ҮНДЭСНИЙ ИХ СУРГУУЛЬ 

28. Оны шилдэг авто засварын газар MAS 

29. Оны шилдэг фото үйлчилгээ VENUS PHOTO STUDE 

30. Оны шилдэг кино театр ГЭГЭЭНТЭН ЭНТЕРТАЙНМЕНТ ТӨВ 

31. Оны шилдэг сүү, сүүн бүтээгдэхүүний үйлдвэр САЙН СҮҮ 

32. Оны шилдэг малчинд ээлтэй байгууллага “МАЛЧИН” ГРУПП

33. Оны шилдэг мэдээллийн лавлахын үйлчилгээ НОЁН ЗУУЧ

34. Оны шилдэг даатгал МОНРЕ ДААТГАЛ 

35. Оны шилдэг импортлогч БАЯСАХ ТРЕЙД 

36. Оны шилдэг залуучуудын байгууллага МАНЛАЙЛЛЫН БОЛОВСРОЛЫН ҮНДЭСНИЙ ТӨВ 

37. Оны шилдэг үсчин, гоо сайхны салон MATRIX  

38. Оны шилдэг номын дэлгүүр ИНТЕРНОМ  

39. Оны шилдэг хаяг реклам, зар сурталчилгааны компани ГЭРЭЛТ ЭРИН 

40. Оны шилдэг ББСБ БИД ББСБ 

41. Оны шилдэг мах махан бүтээгдэхүүний үйлдвэр МАХ ИМПЭКС   

42. Оны шилдэг вэб сайт БАРИЛГА.МН 

43. Оны шилдэг орон нутгийн залуучуудын байгууллага УЛААНБААТАР ХОТ ДАХЬ БУЛГАН АЙМГИЙН ЗАЛУУЧУУДЫН ХОЛБОО 

44. Оны шилдэг хэвлэх үйлдвэр “АДМОН”   

45. Оны шилдэг сэтгүүл MONGOLIAN MINING JOURNAL   

46. Оны шилдэг гурил, гурилан бүтээгдэхүүний үйлдвэр СУМАН ГҮН ХХК 

47. Оны шилдэг телевиз TV8

48. Оны шилдэг барилгын гүйцэтгэлийн компани “DELUXE MARSHALL VILAGE” ЦОГЦОЛБОР ХОТХОН  

49. Оны шилдэг шатахуун борлуулагч компани СОД МОНГОЛ 

50. Оны шилдэг интернет үйлчилгээ эрхлэгч компани ЮНИВИШН ХХК 

51. Оны шилдэг банк  ҮНДЭСНИЙ ХӨРӨНГӨ ОРУУЛАЛТЫН БАНК 

52. Оны шилдэг их дэлгүүр MAXMALL 

53. Оны шилдэг үүрэн холбооны оператор G-MOBILE 

54. Оны шилдэг төсөл хөтөлбөр ЗАЛУУ ГЭР БҮЛИЙГ ОРОН СУУЦЖУУЛАХ ТӨСӨЛ,ХӨТӨЛБӨР   

55. Оны шилдэг сүлжээ дэлгүүр  EMART СҮЛЖЭЭ ДЭЛГҮҮР 

56. Оны шилдэг ургамлын тос, тосон бүтээгдэхүүн МОНМАСЛО ХХК 

57. Оны шилдэг мэдээллийн технологийн компани АЙ ТҮҮЛС ХХК | ITOOLS LLC 

58. Оны шилдэг уул уурхайн компани МЕРА ХХК 

59. Оны шилдэг зар сурталчилгааны сонин ШУУРХАЙ ЗАР 

60. Оны шилдэг хотхон, хороолол ГЭГЭЭНТЭН ЦОГЦОЛБОР ХОРООЛОЛ 

61. Оны шилдэг ноос ноолууран бүтээгдэхүүний үйлдвэр ЭРДЭНЭТ ХИВС ХХК 

62. Оны шилдэг барилгын материал үйлдвэрлэгч компани МОНПОЛИМЕТ ГРУПП 

63. Оны шилдэг боловсрол зуучлалын байгууллага ВОРЛД КОРЕА ГРУПП 

64. Оны шилдэг тавилга үйлдвэрлэгч SOHO MEBEL 

65. Оны шилдэг аялал жуучлалын компани  МОНГОЛ АЯЛАЛ ХХК 

66. Оны шилдэг FM Радио  ШИНЭ МОНГОЛ РАДИО 

67. Оны шилдэг цэцэрлэг ОДТОЙ ЖААЛУУД