Австралийн цагдаагийн газар БНХАУ-аас тус улсад тээвэрлэгдэн ирсэн шалны материалд есөн тэрбум австрали долларын үнэ хүрэхүйц хэмжээний “methamphetamine” гэх мансууруулах бодис нуусан байсныг илрүүлжээ. Улмаар уг хэрэгт хоёр эрэгтэйг сэжиглэн баривчилсан байна.     

“Кристал мет” болон “Мөс” гэх мэтээр нэрлэгддэг тус мансууруулах төрлийн бодисоос  903 кг-ыг шалны материал дунд нуусан байсан гэнэ. Энэ зөрчил Австралийн Виктория мужийн Мельбурн хотын зүүн хэсгийн  Нунавадинд байрлах агуулахаас олдсон бөгөөд 70 хайрцаг шалны материал дунд нуусан байжээ.

Өмнө нь тус улсын цагдаа, гаалийн ажилтнууд Вьетнамын гурван иргэнийг мөн л төмөр хаалганд 300 кг мансууруулах бодис нуусан байхыг нь илрүүлжээ.