Болливудын найруулагч Балакришнаны бүтээл инээдмийн “Паа” гэх кино 2009 онд нээлтээ хийж, жүжигчин Амитабх Баччан гол дүрд нь тоглосон байдаг.

Кинонд ховор тохиолдох Прогериа гэх генийн өөрчлөлтийн улмаас хэт хурдан хөгширөх эмгэгтэй сурагчийн талаар өгүүлдэг байна.

Прогериа өвчтэй хүн ихэвчлэн 13 хүртлээ л насалдаг бол энэ төрлийн өвчтэй ч 21 хүртлээ насалсан хүн Энэтхэгт амьдарч байгаа аж. Түүнийг Рапеш гэдэг бөгөөд эдүгээ 21 настай. Гэвч яг л 160 настай хүн шиг харагддаг байна.

Тус өвчин эмгэгтэй хүмүүс дундаа тэрбээр хамгийн өндөр насалсанд тооцогдож байгаа юм. Тэгвэл Рапеш энэ сарын эхээр эцэг эхийнхээ хамт Энэтхэгийн Аллахабад хотын захирагчийн оффист очиж, Засгийн газраас эмчилгээнд нь дэмжлэг үзүүлэхийг хүсчээ. Прогериа эмгэг дөрвөн саяд нэг тохиолддог байна.