Хойд Солонгос өчигдөр дунд зайн тусгалт баллистик пуужингийн туршилт хийсэн тухай АНУ-ын холбогдох эх сурвалж мэдээлжээ. АНУ-ын Ерөнхийлөгч Доналд Трамп  Ойрхи Дорнод, Европын орнуудад хийх түүхэн айлчлалаа эхлүүлсэн.

Тэгвэл түүнийг дагалдан яваа албаны хүмүүс Саудын Арабт хэвлэлийн хурал зарлаж, энэ үеэр “Бид Хойд Солонгос MRBM загварын дунд зайн тусгалт пуужин харвасныг тогтоосон. Энэ нь Пхеньяны өнгөрөгч хоёрдугаар сард туршсан баллистик пуужинтай яг ижил загварынх бөгөөд сүүлийн үед харвасан гурван баллистик пуужингаас арай богино зайд туссан” хэмээн мэдээлжээ.

Үүнээс өмнө БНСУ-ын хамтарсан цэргийн штабаас мэдэгдэл хийж, “БНАСАУ бямба гарагийн орой Өмнөд Пёнганы нутгаас үл мэдэгдэх нисдэг обьект хөөргөж, тэр нь ойролцоогоор 500 км зайд туссан” хэмээсэн юм.