Дуучин Ариана Гранде Их Британийн Манчестерт болсон халдлагад өртөн хохирогчдод зориулсан хандивын тоглолт зохион байгуулах гэж буйгаа мэдэгдлээ.

Дуучин бүсгүй энэ сарын 22-нд Манчестер хотын “Манчестер Ариана” концертын танхимд тоглолт хийсэн. Гэвч тэр үеэр амиа золиослогч этгээд халдлага үйлдсэний улмаас 22 хүн нас барж, 59 хүн гэмтэж бэртсэн байдаг.

Тэгвэл үүний дараа дуучин Ариана Гранде ирэх сарын 5 хүртэл Лондон, Бельги, Польш, Герман, Швейцарьт хийх тоглолтоо цуцалсан юм.  Харин террорист халдлагын улмаас хохирогсод болон тэдний ар гэрийнхэнд зориулсан хандивын тоглолт зохион байгуулах гэнэ.

Тэрбээр өөрийн твиттер хуудастаа хэргийн улмаас гашуудан шаналж буйгаа бичсэний зэрэгцээ “Маш их эр зориг гарган Манчестер руу дахин буцаж, хандивын тоглолт хийнэ. Улмаар халдлагаар хохирогсдод зориулан хандив цуглуулна” хэмээн мэдэгдсэн байна.

Б.Даваа