Бельгийн шүүх Арабын нэгдсэн Эмират улсын хааны удмын найман эмэгтэй  хүний наймааны гэмт хэрэгт холбогдож, Бельгийн нийслэл Брюссель хотод байрлах зочид буудалд ажилтнуудтайгаа зүй бусаар харилцаж байсан гэх хэргээр ял шийтгүүлжээ.

Энэ хэргийг Эмиратын гүнж 64 настай Шейха Хамда Ал Нахяан өөрийн долоон охиныхоо хамт үйлдсэн байна. Улмаар шүүхээс тэдэнд тус бүр 15 сарын тэнсэн харгалзах ял, 165 мянган еврогийн торгууль ногдуулжээ.

Эмиратын гүнж нар 2007-2008 онд Брюсселийн “Конрад” гэх тансаг зэрэглэлийн зочид буудалд байрлаж, америк гаралтай 23  эмэгтэйтэй зүй бусаар харилцан боолчилж байсан аж.

Тэд зочид буудлын нэг давхрыг тэр чигт нь түрээслэж байсан гэнэ. Гэхдээ хөдөлмөрийн гэрээ байгуулаагүй, оршин суух зөвшөөрөлгүйгээр ажиллаж байсан эмэгтэйчүүдэд зохих ёсны цалинг нь өгдөггүй байсан байна. Мөн удаан хугацаагаа ажиллуулж, заримдаа хатан хааны өрөөний гадна тавьсан матрас дээр унтах тохиолдол ч байжээ. Мөн заримыг нь шатаар буухыг ч зөвшөөрдөггүй байсан гэнэ.