Саудын Арабын хаан Салман бин Абдулазиз ал Сауд урт хугацааны амралтаа дуусган эх орондоо очжээ. Тэрбээр  Мороккод нэг сар амарсан бөгөөд энэ хугацаанд нийтдээ 100 сая ам.долларын зардал гаргасан гэнэ. 

Хаан өнгөрөгч лхагва гарагт  Жеддах нисэх онгоцны буудалд хан хүү, Батлан хамгаалахын сайд Мохаммед бин Салман болон хунтайж Халед ал Файсал бин Абдул Азиз нарын хамт хүрэлцэн очжээ.

Салман хаан өөрийн хамгийн дуртай газар болох Тангьер дахь тансаг зэрэглэлийн зочид буудалд 1000 гаруй зочид төлөөлөгчийн хамт захиалга өгч, нэг сарын турш найрласан байна. Мөн орон нутгийн зарим эх сурвалжид мэдээлснээр энэ хугацаанд хаан хувийн хэрэглээндээ 200 машин ашигласан аж.

Тэнд хааны зуны ордон байрладаг юм.