Дэлхийн байгаль хамгаалах сангийн Монгол дахь хөтөлбөрийн газраас  2015 онд “Хавх булаагүй ууланд хамаг амьтан жаргалтай” аяныг жил бүр зохион байгуулах санаачилга гаргасан.

Өнгөрсөн онд энэ аяныг Ховд аймагт өрнүүлэхэд хоёр сарын хугацаанд 438 ширхэг хавх хурааж, 514 зөрчил илрүүлж байсан юм. Тэгвэл аян энэ онд Говь-Алтай, Баянхонгор, Завхан, Хөвсгөл, Увс, Баян-Өлгий, Ховд аймагт хэрэгжихээр болжээ.

Аяны хүрээнд хамгийн идэвхтэй оролцож, хамгийн олон хавх хураасан аймгийг шалгаруулж, эхний гурван байрт 15 мотоцикл олгох юм байна. Тус урамшуулалт уралдааны дүн ирэх сарын 10-нд тодрох аж.