“УИХ-ын гишүүн Д.Гантулгад эрүүгийн хэрэг үүсгэж, яллагдагчаар татна” гэх мэдээлэл цацагдсанаас хойш түүний суудлыг эзлэхээр улстөрчид бужигнаж эхэлсэн бололтой. Уг нь Д.Гантулга гишүүний хэргийг хуулийн байгууллага шалгаж, эцэслэсний дараа энэ асуудал сөхөгдөх учиртай. Тиймээс энэ тухай ярихад арай эрт байна.

Гэвч хуулийн байгууллагын шийдвэр бүрэн гараагүй байхад намууд нэр дэвшүүлэх хүнээ хэдийнээ яриад эхэлчихсэн аж. Түүний нэр дэвшсэн УИХ-ын сонгуулийн 42 дугаар тойргийг анаж суугаа хүмүүсийн дотор МАН-ын дарга, Ерөнхий сайд У.Хүрэлсүхийн нэр ч яригдаж байгаа бололтой. Тэрбээр одоо Засгийн газрыг тэргүүлж байгаа ч гэлээ. Засгийн газрын бусад гишүүний адил давхар дээл өмсөхийг хүсч буй бололтой гэх таамаг ч олны дунд гарчээ. Гэхдээ “нэг малгай”-н доор яваа хүмүүст сэтгэл алдарсан хэнтийчүүд дахин МАН-ынхны сонгох болов уу гэдэг бас эргэлзээтэй.