ЭХЭМҮТ-д төрөхийн өвдөлт өгсөн эх хандсан ч эмнэлгийн ажилтны буруутай үйлдлээс болж, тухайн эмэгтэй эмнэлгийн гадаа таксинд төрсөн талаарх мэдээлэл өчигдөр цахим сүлжээгээр цацагдаж, олон хүний сэтгэлийг эмзэглүүлсэн. Үүнийг уншсан хүмүүс эмнэлэгт цаашилбал, эрүүл мэндийн салбарт итгэх итгэлгүй болсон талаараа бичсээр байгаа.

Үүнд Эрүүл мэндийн сайд Д.Сарангэрэл тайлбар өгч, уучлалт хүслээ. Мөн ажилдаа сэтгэлгүй хандаж, хариуцлага алдсан эмнэлгийн ажилтнуудад хариуцлага тооцохоо мэдэгдлээ.

Тэрбээр “ЭХЭМҮТөвийн хүүхдийн тасагт ирсэн жирэмсэн эмэгтэйг төрөх тасаг руу явахыг угтах үйлчилгээний ажилтан зөвлөснөөр замдаа гадаа төрж, эмч мэргэжилтнүүд шуурхай арга хэмжээ авс

ны үр дүнд одоо эх хүүхэд эсэн мэнд, биеийн байдал тогтвортой байна. Гэхдээ харанхуй шөнө, хүйтэнд гадаа төрөхөд хүргэсэн буруутай хүмүүст хариуцлага тооцно. Эх хүүхдийн эрүүл мэндийг эрсдэлд оруулахын зэрэгцээ хүн ардынхаа эрүүл энхийн төлөө цаг наргүй зүтгэдэг эмч мэргэжилтнүүдийнхээ нэр төрд сэв суулгаж, олныг цочроосон хэрэг гарсанд уучлал хүсье. Цаашид салбарын ёсзүйн асуудалд онцгой анхаарч ажиллах болно” гэлээ.