Үндсэн хуулийн цэцийн дарга Д.Одбаяр онгоцны үйлчлэгчийн биед зүй бусаар хүрсэн гэх үндэслэлээр Инчёны мөрдөн байцаах газар шалгагдаж, улмаар арван өдрийн хилийн хориг тогтоолгосон талаар бид өмнө нь мэдээлж байсан билээ.

Тэгвэл ҮХЦ-ийн дарга Д.Одбаярт Инчёны прокурорын газраас 7 сая воны мөнгөн торгууль тавьжээ. Инчёны цагдаагийн газрын Гадаад харилцаа хариуцсан мэргэжилтний хэлснээр тус улсын Нисэхийн аюулгүй байдлыг хангах тухай хуульд үндэслэн ийн торгууль тавьсан гэжээ.

Харин торгуулиа төлснөөр цэцийн даргын хилийн хориг цуцлагдаж байгаа юм байна.