Рио-2016 зуны Олимпийн наадмын эрэгтэйчүүдийн чөлөөт бөхийн 65 кг-ын жинд амжилттай барилдаж, хүрэл медаль хүртсэн ч зүүж чадаагүй Гавьяат тамирчин Г.Мандахнарангийн амжилтыг монголчууд өөр өөрийнхөөрөө үнэлж байгаа билээ. Тэр дундаас “Хүчит чулуут” ХХК-ийн хамт олон хоёр өрөө байр өгөхөөр амлаад байсан юм.

Харин тус компанийнхан амласандаа хүрч, Г.Мандахнаранд хоёр өрөө байрны батламж гардуулсан байна. Тэд Г.Мандахнаранг хүлээж авч, сүр бадруулалгүй батламжаа даруухан гардуулж, зургийг нь цахим хуудсандаа оруулсан байна.