Нийслэлийн удирдах ажилтнуудын  ээлжит шуурхай зөвлөгөөн өнөөдөр  боллоо. Тус зөвлөгөөнөөр наймдугаар сарын 15-29-ний өдрийг хүртэлх цаг үеийн нөхцөл байдлын талаар холбогдох байгууллагуудын төлөөлөл  мэдээлэл хийлээ. 

Тухайлбал, нийслэлийн  Онцгой байдлын газрын дарга хурандаа Ч.Уламбаяр “Өнгөрсөн хугацаанд  аюулт үзэгдэл, техникийн холбогдолтой ослын 68 удаагийн  дуудлага ирснээс объектийн гал түймрийн 52  дуудлага,  техникийн холбогдолтой осол,  аврах ажиллагааны 16 удаагийн дуудлага ирсэн” гэж мэдээллээ. Энэ нь өнгөрсөн 14 хоногтой харьцуулахад 66.6  хувиар, объектийн гал түймрийн тоо 65.8 хувиар бурсан үзүүлэлт гэдгийг тодотгов.

Харин Улаанбаатар хотын Цагдаагийн газрын дарга Ч.Болдбаатар  “Нийслэлийн хэмжээнд иргэд, аж ахуйн нэгж, байгууллагаас гэмт хэрэг, зөрчлийн шинжтэй 11 889 мэдээ, мэдээлэл хүлээн авсан. Энэ нь  өмнөх 14 хоногтой харьцуулахад 1126 нэгж буюу 8.7 хувиар буурсан” гэлээ.

Мөн Улаанбаатар хотын Захирагчийн ажлын албаны дарга бөгөөд  Улаанбаатар хотын ерөнхий менежер Т.Гантөмөр нийслэлийн өвөлжилтийн бэлтгэл ажлын талаар мэдээлэл өглөө. Өвөлжилтийн бэлтгэл  76.4 хувьтай, инженерийн хангамжийн шугам сүлжээний байгууллагууд, “Нийтийн үйлчилгээний  Улаанбаатар нэгтгэл” ОНӨААТҮГ, нийслэлийн Авто замын газруудын өвөлжилтийн бэлтгэл ажлууд батлагдсан графикийн дагуу явж байгааг тэрээр хэллээ. Мөн нийслэлийн хэмжээнд  халтиргаа гулгаа арилгах, цас мөс хайлуулах  465.2 тн давс бодис нийслэлийн байгаа. Нэмж 1100 гаруй тн давс, бодис авч нөөцлөх шаардлагатай  байгааг танилцуулав.