Узбекистан улсын Ерөнхийлөгч Ислам Каримов агсныг эцсийн замд нь үдлээ. Хуучин Зөвлөлт холбоот улсын бүрэлдэхүүнээс гарснаас хойш 25 жилийн турш харгис дарангуйллын дор тус улсыг удирдсан тэрээр өнгөрсөн долоо хоногт таалал төгсч,  өчигдөр оршуулгын ёслол нь зохион байгуулагдсан байна.

Оршуулгын ёслолын төв телевизээр шууд дамжуулан үзүүлжээ. Нийслэл Ташкент хотын эмнэлгээс  Самаркандын ЮНЕСКО-ын дэлхийн өвд бүртгэгдсэн цэнхэр өнгийн бөмбөлөгөн оройтой Регистаны талбай хүртэл Узбекистаны удирдагчийн оршуулгын цуваа үргэлжилсэн байна. Зөвлөлт холбоот улсад багтаж байсан төв Азийн таван улсын дундаас хамгийн увайгүй, дарангуйлагч гэгддэг байсан Ислам Каримовыг ээж, ахынх нь хажууд нутаглуулжээ.

Энэхүү оршуулгын ёслолд Афганистаны Ерөнхийлөгч Ашрап Гани нарын хөрш орны удирдагчид ч оролцжээ. Укбекистаны удирдагч Ислам Каримов агсныг нас барсан гэх мэдээлэл өнгөрсөн долоо хоногт зарим мэдээллийн сайтуудаар цацагдсан ч, эрх баригчдын зүгээс нууцалж байсан юм.  Гэвч Каримов энэ сарын 2-ны өдрийн оройн 20.00 цагт 78 насандаа таалал төгссөнийг Засгийн газраас олон нийтэд мэдээллээ.