Афганистаны төрийн эрхийг аваад буй Талибан хөдөлгөөн түр засгийн газрын бүрэлдэхүүнээ танилцуулж, тус улсыг "Исламын Эмират улс" хэмээн зарлав. Засгийн газрын танхим нь бүхэлдээ эрчүүд тэр дундаа Талибаны ахмад зүтгэлтнүүдээс бүрджээ. Тэдний зарим нь сүүлийн хорин жилийн хугацаанд АНУ -ын цэргүүдийн эсрэг халдлага үйлдсэн гэдгээрээ алдартай аж. Тухайлбал НҮБ -ын хар жагсаалтад орсон Мулла Мохаммед Хасан Ахунд ерөнхий сайдын үүргийг гүйцэтгэнэ. Түүнчлэн Холбооны мөрдөх товчоогоор эрэн сурвалжлагдаж буй Хакканийн зэвсэгт бүлэглэлийн толгойлогч Сиражуддин Хаккани Дотоод хэргийн сайдаар томилогджээ. Ерөнхй сайдын үүрэг гүйцэтгэгчийг зарлах нь Талибаны байнгын засгийн газар байгуулах эхний алхам юм. Шинэ удирдлагыг улс орны эдийн засгийг тогтворжуулах, олон улсад хүлээн зөвшөөрөгдөхөөс эхлээд олон чухал сорилт хүлээж байна.