73 дахь удаагийн Венецийн олон улсын кино наадмын шилдгүүд өчигдөр тодорч,  гран при шагнал алтан арсланг Филиппиний найруулагч Лав Диазын бүтээл “The Woman Who Left” кино хүртжээ.  Найруулагч тус киногоороо филиппинчүүд төдийгүй хүн төрөлхтөний тэмцлийн талаар өгүүлэхийг зорьсон байна.

Харин шилдэг эрэгтэй дүрийн шагналыг “The Distinguished Citizen” гэх инээдмийн кинонд 40 гаруй жилийн дараа хөдөөгийн тосгондоо эргэн ирж буй тэрслүү үзэлт нобелийн шагналт зохиолчийн дүрийг бүтээсэн Аргентины  жүжигчин Оскар Мартинез хүртсэн бол  шилдэг эмэгтэй дүрийг “La la Land” кинонд бүтээсэн дүрээрээ Эмма Стоун тус тус шалгарсан байна.

Түүнчлэн, шүүгчдийн хамгийн дээд шагнал болох мөнгөн арсланг  загварын ертөнцөөс кино урлагт урвасан найруулагч Том Фордын “Nocturnal Animals” хүртжээ.