Сүмогийн холбоо арваннэгдүгээр сарын барилдаан буюу кюүшү башёгийн найм дахь өдрийн барилдаан болж өнгөрлөө.

Их аварга Хакүхо М.Даваажаргал зодог тайлснаар Тэрүнофүжи Г.Ган-Эрдэнэ ёкозүна цолтой ганц бөх болоод байна. Тэрбээр өчигдөр маэгаширагийн 4-өөс барилдах Эндотой барилдаж давсан байна. Улмаар найман даваатай болж башёг тэргүүлж байна. Өнөөдөр Тэрүнофүжи Г.Ган-Эрдэнэ маэгаширагийн 5-аас барилдах Такаясүтэй барилдана. Башёг Тэрүнофүжи Г.Ган-Эрдэнэ болон озеки Такакэйшо нар нэг ч унаагүйгээр тэргүүлж байна.

Комүсби Кирибаяама Б.Лхагвасүрэн маэгаширагийн 1-ээс барилдах Даэйшотой барилдаж давжээ. Улмаар хоёр даваа зургаан унаатай боллоо. Өнөөдрийн түүний өрсөлдөгч маэгаширагийн 1-ээс барилдах Вакатакакагитэй барилдана.

Харин Комүсүби Ичиножо А.Ичинноров озеки Такакэйшотой барилдаж өвдөг шорооджээ. Улмаар гурван даваа, таван унаатай болсон бөгөөд өнөөдөр түүний өрсөлдөгч маэгаширагийн 2-оос барилдах Оношотой барилдана.

Энэ удаагийн кюүшү башёд зодоглох Монгол бөхчүүд:

Макүүчи зиндаа:

Ёкозүна Тэрүнофүжи Г.Ган-Эрдэнэ 8-0

Комүсүби Кирибаяама Б.Лхагвасүрэн 2-6

Комүсүби Ичиножо А.Ичинноров 3-5

М-5 Хошорюү С.Бямбасүрэн 4-4

М-6 Тамаваши Б.Мөнх-Оргил 6-2

М-7 Чиёошома Г.Мөнхсайхан 4-4