Ирэх даваа гарагаас 59 сургуулийн хичээл эхлэх цагт өөрчлөлт орно : Тал нутгийн цахим мэдээлэлийн сайт

ТЕГ: Ч.Мөнхбаяр гаднын тагнуулын...

Ирэх даваа гарагаас 59 сургуулийн хичээл эхлэх цагт өөрчлөлт орно

Kuzmo 2022-02-18

Их тойруу болон Яармагт байрлалтай 59 сургуулийн хичээл эхлэх цагт өөрчлөлт оруулахыг дэмжих эсэх талаарх санал асуулгыг www.ulaanbaatar.mn сайтаар хоёрдугаар сарын 16-ны 14:00 цагаас хоёрдугаар сарын 18-ны 14:00 цаг хүртэл авсан. Ийнхүү гурван өдөр үргэлжилсэн санал асуулгад нийт 7278 хүн саналаа өгсөн юм. Санал, асуулгад оролцогсдын 74.2 хувь нь тус саналыг дэмжсэн бол, үлдсэн 25.8 хувь нь дэмжээгүй байна.

Санал асуулгын дүн болоод холбогдох тооцоо, судалгааг үндэслэн нийслэлийн зарим ерөнхий боловсролын сургуулийн хичээл эхлэх цагт өөрчлөлт оруулан, зохицуулалт хийх тухай Нийслэлийн Засаг даргын А/217 дугаар захирамж гарлаа. Захирамжаар төрийн болон төрийн бус өмчийн ерөнхий боловсролын 59 сургуулийн хичээл эхлэх цагийн хуваарийг өөрчлөв. Энэ талаар Нийслэлийн Боловсролын газрын орлогч дарга Л.Буянтогтох “Өнгөрсөн нэгдүгээр сараас эхлэн Нийслэлийн Боловсролын газраас холбогдох тооцоо, судалгааг хийсэн. Анхны судалгаагаар хотын төвийн болон түгжрэлд нөлөөлдөг бүсэд байршилтай 78 сургуулийг судалгаанд хамруулсан. Тухайн 78 сургуульд суралцдаг 92 мянган сурагчийн зорчих судалгааг хийхэд 25.7 хувь нь хувийн машин болон таксигаар зорчиж байгаа гэх дүн гарсан байна. Ийнхүү тус 78 сургуулиас хамгийн олон сурагч хувийн машин болон таксигаар зорчдог 59 сургуулийг сонгож, гурван цагийн үечлэлд хамрууллаа. Тодруулбал, 21 сургуулийн хичээл эхлэх цагийг 07:45, 15 сургуулийн хичээл эхлэх цагийг 08:15 байхаар тогтов. Мөн нэг ээлжээр хичээллэдэг 23 сургуулийн хичээл эхлэх цагийг 09:00 байхаар шийдвэрлэлээ” хэмээсэн юм.

Өөрөөр хэлбэл, ойр байршилтай хоёр сургууль байгаа тохиолдолд эхний сургуулийн хичээл 07:45 цагт, хоёр дахь сургуулийнхыг 08:15 цагт эхлүүлэх зохицуулалт хийсэн байна. Энэ зохицуулалт ирэх даваа гарагаас буюу хоёрдугаар сарын 21-нээс мөрдөгдөж эхэлнэ.

Мөн Нийслэлийн Засаг даргын захирамжид зарим аж ахуйн нэгж, байгууллагуудад хандан зөвлөмж гаргасан байна. Тодруулбал, цагийн зохицуулалтад хамаарах ерөнхий боловсролын сургуульд хүүхэд нь суралцдаг ажилтнуудын ажиллах цагийн хуваарьт уян хатан хандаж, дотоод зохион байгуулалт хийхийг холбогдох аж ахуйн нэгж, байгууллагуудад зөвлөлөө. Жишээлбэл, хүүхдийнх нь хичээл 09:00 цагт эхэлдэг ажилтны ажилдаа ирэх цагийг 10:00 цаг байхаар дотоод зохион байгуулалт хийхийг зөвлөж байна.

59 сургуулийг цагийн үечлэлд хуваарилахдаа тухайн сургуулиудын удирдлагуудтай уулзаж, тэдгээрийн саналыг тусгасан гэдгийг Нийслэлийн Боловсролын газраас онцоллоо. Мөн Нийслэлийн Цагдаагийн удирдах газар, Замын хөдөлгөөний удирдлагын төвтэй хамтран судалгаа хийж, оргил ачааллын үед ийнхүү зохицуулалт хийснээр түгжрэл 12.5 хувиар буурах тооцоог гаргасан байна. Тус цагийн зохицуулалт нь 2021-2022 оны хичээлийн жил дуустал мөрдөгдөх юм.

НИЙСЛЭЛИЙН ЗАРИМ ЕРӨНХИЙ БОЛОВСРОЛЫН СУРГУУЛИЙН ХИЧЭЭЛ ЭХЛЭХ ЦАГИЙН ХУВААРЬ

№	ДҮҮРЭГ	БҮС	СУРГУУЛЬ	I ЭЭЛЖ		II ЭЭЛЖ
ТӨРИЙН ӨМЧИЙН ЕРӨНХИЙ БОЛОВСРОЛЫН СУРГУУЛЬ
1	БЗД	БҮС - I	21-р сургууль	8:15		13:45
2	БЗД	БҮС - I	84-р сургууль	7:45		13:15
3	БЗД	БҮС - II	33-р сургууль	7:45		13:15
4	БЗД	БҮС - II	48-р сургууль	8:15		13:45
5	СБД	БҮС - I	1-р сургууль	7:45		13:15
6	СБД	БҮС - I	ӨЗБЛАСургууль		8:15		13:45
7	СБД	БҮС - II	31-р сургууль	7:45		13:15
8	СБД	БҮС - II	6-р сургууль		8:15		13:45
9	СБД	БҮС - III	45-р сургууль	7:45		13:15
10	СБД	БҮС - III	11-р сургууль	9:00
11	СБД	БҮС - IV	Байгаль эх лицей сургууль		8:15		13:45
12	СБД		2-р сургууль	7:45		13:15
13	СБД		Монгол Улсын Консерватори	7:45		13:15
14	СБД	БҮС - V	МУБИС - ЕБС	7:45		13:15
15	ЧД	БҮС - I	5-р сургууль	7:45		13:15
16	ЧД	БҮС - I	50-р сургууль		8:15		13:45
17	ЧД	БҮС - II	23-р сургууль	7:45		13:15
18	ЧД	БҮС - II	24-р сургууль		8:15		13:45
19	ХУД	БҮС - I	18-р сургууль	7:45		13:15
20	ХУД	БҮС - I	15-р сургууль		8:15		13:45
21	ХУД	БҮС - II	52-р сургууль	7:45		13:15
22	ХУД	БҮС - II	75-р сургууль		8:15		13:45
23	ХУД	БҮС-III	130-р сургууль	7:45		13:15
НИЙТ				14	9	14	9

ТӨРИЙН БУС ӨМЧИЙН ЕРӨНХИЙ БОЛОВСРОЛЫН СУРГУУЛЬ

№	ДҮҮРЭГ	БҮС	СУРГУУЛЬ	I ЭЭЛЖ			II ЭЭЛЖ
№	ДҮҮРЭГ	БҮС	СУРГУУЛЬ	I ЭЭЛЖ			II ЭЭЛЖ
1	БЗД	БҮС - I	И-Эс-Эм	7:45			13:15
2	БЗД	БҮС - I	Кириллица			9:00
3	БЗД	БҮС - II	Оюунлаг	7:45			13:15
4	БЗД	БҮС - II	Уудам монгол			9:00
5	БЗД	БҮС - III	Шинэ монгол	7:45			13:15
6	БЗД	БҮС - III	Төгсдэлгэрэх		8:15			13:45
7	БЗД	БҮС - IV	Шилдэг			9:00
8	БЗД	БҮС - IV	Их засаг лицей			9:00
9	БЗД	БҮС - V	Эрхэм баян эрдэм			9:00
10	БЗД	БҮС - V	Гёте	7:45			13:15
11	БЗД	БҮС - VI	Оюуны-Оньс			9:00
12	СБД	БҮС - I	Логарифм	7:45			13:15
13	СБД	БҮС - I	Үй цай		8:15			13:45
14	СБД	БҮС - II	Сант	7:45			13:15
15	СБД	БҮС - II	Улаанбаатар элит		8:15			13:45
16	СБД	БҮС - III	Шинэ үе		8:15			13:45
17	СБД	БҮС - IV	Эрдэмтөгс			9:00
18	СБД	БҮС - IV	Сэлбэ			9:00
19	СБД	БҮС - V	Дойче шуле			9:00
20	СБД	БҮС - V	Кинг кидс		8:15			13:45
21	СБД	БҮС - V	Эрдмийн уурхай			9:00
22	СБД	БҮС - V	Хаан эрдэм			9:00
23	ЧД	БҮС - I	Тусгал			9:00
24	ЧД	БҮС - I	Олонлог			9:00
25	ЧД	БҮС - II	Оюут		8:15			13:45
26	ЧД	БҮС - II	Олонлог эгзэ	7:45			13:15
27	ХУД	БҮС - I	Орчлон сургууль			9:00
28	ХУД	БҮС - I	Хобби сургууль			9:00
29	ХУД	БҮС - II	Оргил сургууль			9:00
30	ХУД	БҮС - II	Монгол билиг оюун сургууль			9:00
31	ХУД	БҮС- III	Орхон Хасү сургууль			9:00
32	ХУД	БҮС - IV	Шинэ Монгол Харумафүжи сургууль	7:45			13:15
33	ХУД	БҮС - IV	Бритиш сургууль			9:00
34	ХУД	БҮС -V	Сакура сургууль			9:00
35	ХУД	БҮС -V	Солонго Эс Эф сургууль			9:00
36	ХУД	БҮС - VI	Жет тэмүүлэл сургууль			9:00
НИЙТ				8	6	22	8	6

Жич: Хавсралтад заагдсанаас бусад ерөнхий боловсролын сургуулийн хичээл 08:00 цагт эхэлнэ.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

ФОТО:

Сэдвүүд :

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.