Ирэх арваннэгдүгээр сарын 8-нд  АНУ-ын дараагийн Ерөнхийлөгч тодорно.  Гагцхүү Барак Обамаг Ардчилсан намаас нэр дэвшигч Хиллари Клинтон, эвсэл Бүгд найрамдах намаас нэр дэвшигч Доналд Трамп хоёрын хэн залгамжлах нь анхаарал татаж буй.  Тэгвэл сонгуульд нэр дэвшигчдийн хамгийн анхны халз тулаан орон нутгийн цагаар өчигдөр 21.00 цагт эхэлсэн бөгөөд дэлхий даяар 100 орчим сая хүн шууд хүлээн авч үзлээ.

Мэтгэлцээн эхлэх үед Хиллари инээмсэглэн “Сайн уу Трамп” гэж мэндчилсэн. Харин ялалтын өнгө гэх улаан зангиагаа энэ удаа хөх өнгөөр сольсон “Ууртай” Трамп өрсөлдөгчийнхөө сул талыг хөндөж буулган авахыг хичээж байв. Доналд Трамп Хилларигийн хувийн емэйлтэй холбоотой асуудлыг хөндсөн юм.  Харин Клинтон мэтгэлцээн эхлэх үеэс сөрөг дайралт хийж, “Трамп 14 сая ам.долларыг эцгээсээ зээлж бизнесээ эхлүүлж байсан” хэмээн өдөөн хатгасан бол Трамп “маш бага мөнгө шүү дээ” гэж хариулжээ.

Түүнчлэн, Трамп “Клинтон даргаа” гэж дуудсаны зэрэгцээ  “Хуурамч Хиллари” гэх нэрээ тамгалчихсан хүн дээ  гэх зэргээр улстөрч эмэгтэйн хорыг малтаж байв.

Харин мэтгэлцээн улам ширүүсэх үед Х.Клинтон  Доналд Трампыг одоо болтол татварынхаа баримтыг олонд дэлгээгүй  гэхэд Трамп Хиллари ажилдаа ашигладаг хувийн емэйлээ бүгдийг нь ил болгоно гэвэл би ч гэсэн дэлгэхэд бэлэн байна хэмээн мад тавьсан аж.  Үүний хариуд  Хиллари “хувийн емэйл алдаа байсан. Би өөрөө хариуцлагаа хүлээнэ”  гэж хариулсан гэнэ.