Малайзын цагдаагийн алба хаагчид нийслэл Куала Лампур хотод зохион байгуулагдсан “Malaysian Grand Prix 2016” тэмцээнийг дотуур өмднөөс өөр хувцасгүйгээр хөгжөөн дэмжсэн залуусыг баривчилжээ.  Нийтдээ есөн австрали залуу дотуур өмд дээрээ Малайзын төрийн далбааг хэвлэсэн байсан нь ийнхүү асуудал үүсгэсэн аж.

Цагдаагийн газраас мэдээлж буйгаар тэмцээн дуусмагц малайзыг төрийн далбааг доромжилсон залуусыг барьж саатуулсан гэнэ.  Тэднийг “Олон нийтийн амгалан тайван байдлыг алдагдуулах зорилгоор төрийн далбааг санаатайгаар гутаасан” гэх үндэслэлээр баривчлан хэргийг шалгаж буй ажээ. Баривчлагдсан залуус 25-29 насныхан байсан бөгөөд бүгд жуулчид байсан гэнэ. Хууль дүрэмд заасны дагуу тэднийг дөрөв хоног саатуулах юм байна.