Данийн ханхүү 48 настай Фредерик үсрэх тавцан батут дээр үсрэхдээ санамсаргүй нуруугаа гэмтээсний улмаас олон нийтийг хамарсан үйл ажиллагаанд оролцож чадахгүй болжээ.  Тэрбээр саяхан олимп, паралимпод оролцсон тамирчдыг хүлээн авч уулзах байсан ч, эрүүл мэндийн шалтгаанаар уулзалтаа цуцалсан байна.

Хааны ордноос мэдээлснээр ханхүү өнгөрсөн долоо хоногт гэмтсэн аж. Ханхүү бүрэн эдгэрэхэд 12 долоо хоногийн хугацаа шаардагдах гэнэ.  Фредерик Данийн хоёрдугаар Маргрете хатны ууган хүү бөгөөд спорт тоглоомд дуртай гэдгээрээ олонд танигджээ. Мөн тэрбээр Олон улсын олимпийн хорооны гишүүнээр ажилладаг юм.