Япон улсын Уцуномия хотод зохион байгуулагдаж буй Олимпийн эрх олгох тэмцээнд түрүүлсэн нэг баг “Парис-2024” Олимпийн наадамд оролцох эрх авна. Тус тэмцээнд Монгол Улсын эрэгтэй шигшээ баг оролцож байгаа бөгөөд шилдэг дөрөвт шалгарлаа. Тэд хэсгийн эхний тоглолтоо өчигдөр эзэн баг болох Японы эсрэг хийж 12-22 харьцаагаар хожигдсон бол өнөөдөр эхний тоглолтоо Францын багтай хийж 21-17 харьцаагаар, дараагийн тоглолтоо Египтын багтай хийж 221-17 харьцаагаар хожжээ. Улмаар өнөөдрийн сүүлийн тоглолт болох Япон болон Францын багуудын тоглолтаас шалтгаалж манай шигшээ шилдэг дөрөвт үлдэх нь тодрох юм.

Тэгвэл сүүлийн тоглолтод 10-21 харьцаагаар Францын баг хожсоноор Францын баг В хэсгийг тэргүүлж, Монгол Улсын шигшээ хоёрдугаар байраар гарлаа. Улмаар маргааш 17:20 цагт А хэсгийг тэргүүлсэн Нидерландын багтай тоглохоор боллоо.