АНУ-ын шинэ Ерөнхийлөгч Доналд Трамп, жүжигчин Арнолд Шварценеггер нар твиттер сүлжээгээр нэг нэг рүүгээ дайралт хийж эхэллээ. Тэдний маргаан мэтгэлцээн “The Celebrity Apprentice” реалити шоутай холбоотой. Энэ оны нэгдүгээр сараас тус шоуны шүүгчээр Арнолд Шварценеггер ажиллах болсон. 

Өмнө нь Доналд Трамп шүүгчийн үүргийг гүйцэтгэж байжээ. Гэвч Доналд Трампын оронд Арнолд шүүгчээр ажиллах болсноос хойш тус реалити нэвтрүүлгийн хандалт унаж эхэлснээр тэдний хэрүүл эхэлсэн байна. Эхлээд Трамп “Киноны од л юм даа” гэж жиргэсний дараа Арнолд “Трамп нэвтрүүлэгт хошуу дүрж байгаа нь онцгүй байна” хэмээн хариуг нь барьсан байдаг.

Гэтэл Трамп ч дуугүй өнгөрсөнгүй. Тэрбээр “Арнолд сайн дураараа нэвтрүүлгээс хасагдлаа. Намайг байхад шоуны хандалд ийм хэмжээнд унаж байгаагүй. Гайхалтай шоу нэвтрүүлэг харамсалтай нь үүгээр төгсөх нь” гэжээ. Харин Арнолд “Та шинэ шог зохиолч, баримт шалгагч ажилд авах талаар бодож үзэх хэрэгтэй” гэсэн аж.