Жүдо бөхийн Азийн аварга шалгаруулах тэмцээн Хонгконг улсад энэ сарын 26-нд эхлэх билээ. Тэгвэл өчигдөр Азийн жүдо бөхийн холбооны Удирдах зөвлөлийн хурал тус улсад болж, хэд хэдэн асуудлыг хэлэлцжээ.
Энэ хуралд манай улсаас Азийн жүдо бөхийн холбооны Удирдах зөвлөлийн гишүүн, Сахилгын хорооны дарга Бираагийн Пагва болон олимпийн зэрэглэлийн шүүгч, МЖБХ-ны гүйцэтгэх захирал Машбатын Бөхбат нар оролцсон байна.
Хурлаар шийдвэрлэсэн гол асуудал нь 2020 оны Азийн аварга шалгаруулах тэмцээнийг зохион байгуулах хотыг сонгох байв. Улмаар "Токио-2020" олимпийн наадмын жил Монголд Ази тивийн аварга шалгаруулах тэмцээнийг зохиох байгуулахаар тогтжээ. Ингэснээр Олимпийн наадамтай жил Азийн аварга шалгаруулах тэмцээн Улаанбаатар хотноо болохоор боллоо.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
