Хятад улсын Бээжин хотноо энэ сарын 2-8-ны өдрүүдэд зохиогдох "IEM Beijing 2026" тэмцээний тоглолтууд өнөөдөр эхэлнэ. Нийтдээ 1.250.000 ам.долларын шагналын сан бүхий уг тэмцээнд 16 баг өрсөлдөх бөгөөд тус тэмцээнд Монгол Улсаас "The MongolZ" баг Азийн бүсийг тэргүүлж байгаа гэдгээрээ уригдан оролцож байна.
Манай залуус "IEM Beijing 2026" тэмцээний аваргын төлөө "MOUZ" багтай өнөөдөр 15:30 цагт тоглоно. Хоёр баг өмнө нь зургаан тэмцээнд таарч тоглож нэг л удаа хожиж байсан юм байна. Сүүлд хоёр баг энэ оны аравдугаар сард болсон "PGL Masters Bucharest 2026" тэмцээний хэсгийн шатанд таарч 0-2 (Mirage 9-13; Nuke 11-13; Inferno 0-0) харьцаагаар хожигдож байжээ. Мөн манай залуус анх удаа "ESL" тэмцээнээс зохион байгуулдаг тэмцээний аваргад өрсөлдөхөөр шалгарч үлдэж байна.
Тэд хагас шигшээ тоглолтыг өчигдөр Украйны "Natus Vincere" багтай 2-1 (Cache 13-10; Inferno 13-11; Mirage 0-0) харьцаагаар хожсон билээ. Тус тоглолтын шилдгээр багийн ахлагч bLitz Б.Гарьдмагнай (K-D 42-26; Rating 1.49) нэрлэгджээ.
Тэд А хэсэгт багтаж эхний тоглолтоо Бразилын "Legasy" багтай тоглож 2-1 (Mirage 12-16; Dust2 13-6; Ancient 13-8) харьцаагаар хожиж эхний хожлоо байгуулсан бол шилдэг тоглогчоор "910" буюу Б.Өсөхбаяр (K-D 56-45; Rating 1.30) тэргүүлсэн байна.
Дараагийн тоглолтоо Шведын "HEROIC" багтай 2-0 (Inferno 13-7; Nuke 19-!&; Ancient 0-0) харьцаагаар хожсон байна. Тус тоглолтын шилдгээр "cobrazera" буюу У.Анарбилэг (K-D 44-36; Rating 1.30) тодорч шигшээ шатанд шалгарах болзлоо хангасан юм.
Улмаар хэсгийн шатны байрлалын төлөөх тоглолтыг Бразилын "FURIA" багтай хийж 2-1 (Inferno 10-13; Cach 13-8; Dust2 13-11) харьцаагаар хожиж хагас шигшээд шалгарлаа. Тус тоглолтын шилдэг тоглогчоор "910" буюу Б.Өсөхбаяр (K-D 61-34; Rating 1.44) тэргүүлсэн байна.
The MongolZ баг энэ удаагийн тэмцээнд bLitz /багийн ахлагч/ Б.Гарьдмагнай, Techno4k М.Содбаяр, 910 /AWPer/ Б.Өсөхбаяр, У.Анарбилэг /cobrazera/, nin9 /Г.Есөнтөмөр/ нар тоглох бол maaRaa /coach/ Б.Эрдэнэдалай тэднийг дасгалжуулах юм.
