Өмнөд Солонгосын зүүн эрэгт 2014 онд сүйрсэн Севол хөлгийг гурван жилийн дараа далайгаас татаж, хөвөгчид ачих үйл явц үндсэндээ дуусчээ. Одоо боомт руу алгуурхан тээвэрлэх ажил үлдээд буйг эрх баригчид мэдэгдсэн байна.

Нийтдээ 145 метр урт Севол хөлгийг эвдрэлгүйгээр буюу бүхлээр нь татаж,  боомтод хүргэх нь нэлээд нарийн төвөгтэй ажиллагааг шаардаж буй аж.

Асар том хөвөгч хөлөг онгоцыг хооронд нь холбож, Севол хөлгийг далайн гадарга хүртэл татаж гаргасныхаа дараа  боомт руу чирэх юм байна.

Албаныхны тооцож буйгаар ирэх сарын 1-ний өдөр гэхэд Мокпо боомтод хүргэсэн байх гэнэ. Үүний дараа одоо хүртэл олдоогүй байгаа есөн хохирогчийн цогцсыг эрэн хайх аж.

Севол хөлгийн осол нь Өмнөд Солонгосын далайн тээврийн түүхэнд хамгийн томд тооцогдож байгаа ба амь үрэгдсэн хүмүүсийн ихэнх нь зугаалж явсан дунд сургуулийн сурагчид байсан юм.

Одоо болтой есөн хүний цогцос олдохгүй байгаа.