АНУ-ын Флорида мужийн Уэст Палм Бийчэд Ерөнхийлөгч Доналд Трамп, БНХАУ-ын дарга Си Зиньпин нарын уулзалт эхэлжээ.

Тэд хоёр улсын төрийн тэргүүний хувиар анх удаагаа нүүр тулж буй нь энэ юм. Уулзалт Д.Трампын хувийн эзэмшлийн “Мар а Лаго”-д хоёр өдөр үргэлжлэх билээ.

Зарим эх сурвалжийн мэдээлснээр БНХАУ-ын тал АНУ-д 700 гаруй мянган ажлын байр шинээр бий болгоход чиглэгдсэн хөрөнгө оруулалт хийх гэрээнд гарын үсэг зурах магадлал өндөр байгаа аж.

Си даргын энэ алхмыг ажиглагчид Д.Трампын баримталж буй худалдаа, “Нэг Хятад” зэрэг бодлогуудыг зөөлрүүлэх зорилготой гэж үзэж байгаа юм.