Иракийн нийслэл Багдаад хотод террорист халдлага болж, 200 гаруй хүн амиа алдсан. Тэгвэл уг хэрэгтэй холбогдуулан Дотоод хэргийн сайд Мухаммад ал Габбан албан тушаалаасаа огцорч буйгаа зарласан байна.

Суудлын машин ашиглаж амиа золиослосон этгээд мусальман шашинтнуудын “Рамадан” сартай холбоотойгоор худалдан авагчдын хөл хөдөлгөөнд дарагдсан Каррада дүүрэгт халдлага үйлдсэн байдаг. Улмаар 200 гаруй хүн амиа алдаж, олон байшин барилга шатсан гэсэн мэдээлэл байна.

Мөн энэ тус хэрэгтэй холбоотойгоор Иракийн Ерөнхий сайд Хайдер аль Абади аюулгүйн албаны хууль тогтоомждоо шинэчлэл хийхээр болсон билээ.