АНУ-ын экс Ерөнхийлөгч  эдүгээ 92 настай Жорж Вашингтон Буш уушигны хатгалгаа гэсэн оноштойгоор Техас мужийн эмнэлэгт дахин хэвтжээ. Биеийн байдал нь одоогоор тогтворжиж байгаа гэнэ. Энэ талаар түүний гэр бүлийн хэвлэлийн төлөөлөгч олон нийтэд мэдээлсэн байна.

Түүний хэлснээр эцэг Буш унтаж чадахгүй, үргэлжлүүлэн ханиалгах шинж тэмдэг илэрсний улмаас энэ сарын 14-нд Техас мужийн Хьюстоны эмнэлэгт хэвтжээ.

Эмч нар түүнд үзлэг оношлогоо хийсний эцэст хөнгөн зэргийн хатгалгаа туссан гэж үзсэн байна. Улмаар эмчилгээ хийлгэсний дүнд биеийн байдал нь тогтворжсон ч, биеийн хүч тамир нь эргэн сэргэх хүртэл эмнэлэгт эмчийн хяналтад байхаар болжээ.

 Паркинсоны өвчний улмаас тэргэнцэр ашиглах болсон Ерөнхийлөгч асан Буш өнгөрсөн нэгдүгээр сард ч гэсэн нянгийн гаралтай хатгалгаа тусч мөн эмнэлэгт хоёр долоо хоног хэвтэн эмчлүүлж байсан юм.