Хайрынхаа төлөө хэргэмээсээ татгалзсан Мако гүнжийн тухай 5 баримт : Тал нутгийн цахим мэдээлэлийн сайт

Каннын кино наадмын хамгийн...

Тэрбумтан М.Блумберг...

Хайрынхаа төлөө хэргэмээсээ татгалзсан Мако гүнжийн тухай 5 баримт

Даваахүү 2017-05-19

Зарим хүмүүс язгууртны амьдралыг мөрөөдөж байхад, харин зарим нь бусад шиг хайрлаж дурлахыг хүсэх. Японы гүнж Мако. Бүсгүй Кэй Комуро гэх харц залууд дурлаж, эдүгээ хуримлах гэж буй. Гэхдээ хууль ёсоор харц залуутай гэрлэсэн тохиолдолд Мако хаан язгуураасаа татгалзах билээ. Тэгвэл хайрынхаа төлөө гүнжийн хэргэм зэргээсээ татгалзаж буй Мако гүнжийн тухай таван баримтыг хүргэе.

1. Тэрбээр Японы эзэн хаан Акихитогийн ач охин бөгөөд хунтайж Акишиногийн том охин юм. Мако эдүгээ 83 настай эзэн хааны хамгийн анхны ач охин гэдгээрээ олон нийтэд танигддаг билээ.

2. Гүнж харц залуу Кэй Комуратай сүй тавих гэж буй тухай зарим хэвлэлд мэдээлсэн байсан юм. Гүнж харц залуутай гэрлэсэн тохиолдолд хэргэмээсээ татгалзаж, энгийн иргэн болох учиртай. Японд хааны удмын эрэгтэй харц гаралтай бүсгүйтэй гэрлэж болох хэдий ч, энэ нь эмэгтэйчүүдийн тухайд боломжгүй байдаг байна. Мако хайр сэтгэлийнхээ төлөө хэргэм зэргээсээ татгалзсан анхны алтан ургийн хүн биш. Өмнө нь түүний авга эгч Саяако Курода 2005 онд харц залуу Ёшики Куродатай гэрлэж байжээ.

3. Гүнж Мако таван жилийн өмнө Шибүяа дахь ресторанд болсон үйл ажиллагааны үеэр найз залуутайгаа танилцаж байжээ. Тухайд үед тэд хоёулаа Токиогийн их сургуульд суралцаж байсан гэнэ. Кэй Комуро хуулийн фирмд ажилладаг. Сонирхуулахад, тэр ч бас нэг төрлийн хаан аж. Тэрбээр, Фүжисава хотод далайн эргийн наран шарлагын газрын сурталчилгаанд нэг удаа тоглосноос хойш түүнийг “Тэнгисийн хунтайж” хэмээн нэрлэх болсон гэдэг.

4. Гүнж Мако Комуротой гэрлэхгүй байсан ч гэсэн эрх мэдэлгүй. 2016 оны зун өнөөгийн эзэн хаан сэнтийгээсээ буух бодолтой байгаагаа илэрхийлж байсан удаатай. Гэхдээ Японы уламжлалын дагуу хаан ширээг зөвхөн эрчүүд л залгамжлана. Гүнж хэзээ ч эрх мэдэлтэй болохгүй гэсэн үг.

5. Гүнж Маког Их Британийн хунтайж Уильямын гэргий Кэйт Миддлтонтой харьцуулах тохиолдол байдаг гэнэ. Тэдэнд адил төстэй олон чанар байдаг бөгөөд аль аль нь урлагийн чиглэлээр эрдмийн зэрэг хамгаалсан. Түүнийг мөн “Япон Кэйт Миддлтон” гэх нь ч бий. Гүнж Мако 2016 онд Английн Лестерын их сургуульд Урлагийн музей, Галлерей судлалын чиглэлээр мастерын зэрэг хамгаалсан байна.

Сэдвүүд :

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.