Энэ зургийг Ассошэйтед пресс агентлагийн гэрэл зурагчин Даниэл Берехулак 2016 оны арваннэгдүгээр сарын 10-нд авчээ.

Филиппинийн Манила хотод үл таних зэвсэглэсэн залууст буудуулж амиа алдсан хохирогчийн цогцос нарийн гудамжинд хэвтэнэ. Түүний хажууд цагдаагийн ажилтан сууж, гэрэл тусгаж буй байдал зурагт дүрслэгджээ. “World press photo” гэрэл зургийн наадам 1955 оноос хойш жил бүр зохион байгуулагдсан  бөгөөд энэ хугацаанд дэлхийн улс гүрэнд өрнөж буй нууцлагдмал асуудлыг гэрэл зургаар дамжуулан олон нийтэд ил гаргасаар ирсэн байдаг.

Наадам нийт найман төрлөөр шилдгүүдээ тодруулдаг. Харин “World press photo-2017”-д  125 орны 5034 гэрэл зурагчин 80408 бүтээлээ илгээснээс дээрх зураг “Ерөнхий мэдээ” төрөлд нь тэргүүн байр эзэлж, хамгийн хүчтэй 17 зурагны нэгээр тодорсон байна.